Солонгос улсад очоод заавал үзэх 5 газар

Мэдээж Солонгос улсад очиж байгаа бол Сөүл хотоор заавал зочлох нь гарцаагүй. Солонгосын зочлоход хамгийн тохиромжтой хотуудын нэг бөгөөд Сөүл нь Гоёмсог ордон, тансаг зоогийн газар, загварлаг нэрийн дэлгүүрүүдээр сэтгэл татам. Үндэсний музей, Дайны дурсгалын цогцолбор нь таныг тус улсын түүхийг үзэх боломжийг олгодог бол Гангнам хэмээх гайхалтай худалдааны дүүрэг нь тус хотын тансаг талыг мэдрэх боломжийг олгоно. 

Жэжү арал нь Солонгос улсын аялал жуулчлалын тэргүүлэх бүс төдийгүй газар нутагт харьяалах хамгийн том арал юм. Онцгой түүхэн дурсгал, Байгалын долоон гайхамшигт бүртгэгдсэн дур булаам байгаль орчин, БНСУ-ын хамгийн өндөр уул Халлансан /Hallansang/, галт уулын лавын хонгил, байгалийн усан бассейн, Хайрын музей /Love Land/, Тедди баавгайн музей /Teddy Bear Museum/ зэрэг нь жуулчдын сонирхлыг ихээхэн татдаг байна. Мөн хэрэв та Чэжү арал руу явах гэж байгаа бол Сонсан /Seongsan/ оргилд нар мандахыг харахыг бүү алдаарай.

Өмнөд Солонгосын аялал жуулчлалын хамгийн тохиромжтой газруудын нэг, далайн эргийн Кёнжү хотыг ихэвчлэн задгай музей гэж нэрлэдэг бөгөөд Өмнөд Солонгост өөрийн уламжлалт үндэс, баялаг өвийг олж мэдэхийн тулд хийх хамгийн сайн зүйлсийн нэг юм. Эртний Шилла хаант улсын нийслэл байсан Кёнжү хот нь мянга мянган жилийн түүхтэй соёл, түүхийн дурсгалт газрууд, балгаснуудын эрдэнэсийн сан юм. ЮНЕСКО-гийн дэлхийн өв, Булгукса сүм, хосгүй олдворуудын цуглуулгатай Үндэсний музейтэй энэ хот нь Өмнөд Солонгосын соёлын үндсийг харах боломжийг танд олгоно.

Өмнөд Солонгосын хоёр дахь том хот нь Азийн хамгийн том олон улсын кино наадмыг зохион байгуулдгаараа дэлхий даяар алдартай. Пусан бол тэнгэр баганадсан барилгууд, сүрлэг уулс, үзэсгэлэнт наран шарлагын газар, гайхамшигт Буддын шашны сүмүүдийн нэгдэл бөгөөд Өмнөд Солонгосын зочлоход хамгийн тохиромжтой газруудын нэг юм. Солонгосын Пусан хотод зочлох алдартай газруудын нэг бол далайн эрэг дагуух Хаедонг Ёнгунса сүм, сонирхолтой Жагалчи загасны зах юм. Хоол сонирхогчид олон тооны ресторанд тархсан далайн хоолыг амталж, хаа сайгүй байдаг гудамжны хоолны лангуунуудаас орон нутгийн амттанаар хооллох боломжтой.

Сөүлтэй хиллэдэг Кёнги мужийн нийслэл Сувон нь чулуун хана, гайхалтай нуман хаалгануудаараа өвөрмөц Хвасон цайзаараа алдартай бөгөөд энэ нь Солонгост очиж үзэх хамгийн сайхан газруудын нэг болгосон юм. Чосон гүрний барьсан цайзуудын хана нь пагода маягийн дөрвөн хаалга, их бууны цамхаг, ажиглалтын тавцан бүхий ЮНЕСКО-гийн дэлхийн өвд бүртгэгдсэн газар юм. Энэ газар дахь өөр нэг гайхамшигтай байгууламж бол Хвасон Хаенгун ордон юм. Энэ бүхний хажуугаар Сувон хотод дэлгүүр хэсэхээ бүү мартаарай. Өөр олон сонирхолтой зүйлстэй Сувон бол Өмнөд Солонгосын зочлох хамгийн шилдэг газруудын нэг юм.