Дотоод ба Гадаад зах зээлийн тойм

Дотоод ба Гадаад зах зээлийн тойм

🔍 Гадаад зах зээлд

Өнгөрөгч мягмар гарагт олон улсын зээлжих зэрэглэл тогтоох Fitch агентлаг АНУ-ын гадаад валютын урт хугацааны зээлжих зэрэглэлийг ААА-аас АА+ болгон бууруулсан нь ирэх гурван жилийн хугацаанд төсөв муудах төлөвтэй байгаагийн зэрэгцээ ерөнхий засгийн газрын өрийн дарамт, улс төрийн туйлшрал, олон улсын хямрал зэрэгт санаа зовниж байгааг харуулж байна. 

Өнгөрсөн долоо хоногт АНУ-ын түүхий нефтийн нөөц 17 сая баррелиар буурч, газрын тосны боловсруулагчид эргэлтээ нэмэгдүүлж, экспортын хэмжээ өдөрт 5 сая баррелиас давсан гэж АНУ-ын эрчим хүчний мэдээллийн алба лхагва гарагт мэдэгджээ. Гэсэн хэдий ч газрын тосны үнэ уг мэдээний дараагаар баррель нь 81-82$ ийн хооронд арилжаалагдаж байсан бол унаж 79$-ийн түвшин дээр арилжаалагдаж байна.

🔎 Дотоод зах зээлд

МУ-ын гадаад худалдааны эргэлт нийт 10 тэрбум орчим доллар болжээ. Тодруулбал 7 сард 6,305 сая.доллар-ийн бараа экспорт хийж, 3,463 сая.доллар-ийн бараа импортложээ.  

МУ-ын хэмжээнд үйл ажиллагаа явуулж байгаа хуулийн этгээдийн тоо өмнөх оны мөн үеэс 7.2 хувиар өсжээ. Статистикийн бизнес регистр(СБР)-ийн санд 2023 оны эхний хагас жилд 254.9 мянган хуулийн этгээд бүртгэгдэж, өмнөх оны мөн үеэс 17.4 мянга буюу 7.3 хувиар нэмэгджээ. Хуулийн этгээдийн 200.2 мянга буюу 78.6 хувь нь компани, 36.1 мянга буюу 14.2 хувь нь төрийн бус байгууллага, 8 мянга буюу 2.3 хувь нь нөхөрлөл, 5.0 мянга буюу 2.0 хувь нь хоршоо байна.

АНУ, Монгол улсын хооронд 2024 оны 2-р улирлаас шууд нислэг хийхээр болж Монгол Улсын Ерөнхий сайд АНУ-д хийж буй анхны албан ёсны айлчлалынхаа хүрээнд Дэд Ерөнхийлөгч Харристай энэ сарын 2-ны өдөр уулзаж, хэвлэлийн бага хурал хийжээ. Хоёр орны харилцааг хөгжүүлэхэд дэмжлэг үзүүлэх стратегийн гуравдагч хөршийн түншлэлийн тухай хамтарсан мэдэгдэл гаргаж агаарын тээврийн хэлэлцээрт гарын үсэг зурахаар болж цаашлаад эдийн засгийн хамтын ажиллагааны шинэ замыг бий болгох талаар хэлэлцжээ.